Assi: Kommuneqarfik Sermersooq

Asii kommunip soqutigisai partiimi soqutigisaanit salliutinneruai

Mittarfissat pillugit siunnersuutigineqartut Inuit Ataqatigiinniit akerlerineqarluinnarput, anguniarneqartummi ilagaat Nuummi mittarfiup tallineqarnissaa. Kommuneqarfik Sermersuumi borgmesteri Asii Chemnitz Narup, siunnersuumut tapersersuivoq.

Taassuma kommunip soqutigisaai partiimi soqutigisaaniit pingaartinnerullugit oqaatigaa.

- Koomunal bestyrelsemut qinigaavunga Kommuneqarfik Sermersuup soqutigisaanik illersuisussatut sulissutiginnittussatullu, aammalu nunatta aningaasarsiornikkut siuariartornissaanut ilisimaneqarpoq ukiorpassuarni Nuup illoqarfia pingaarutilittut inissisimammat, taammaammat aamma pisussaasuliivoq Nuup illoqarfiata mittarfiata tallineqarnissaanut sukataarnissamut, Kommuneqarfik Sermersuumi borgmesteri Asii Chemnitz Narup oqarpoq.

Aamma atuaruk Mittarfiit tallilerneqarnissaat IA-p akerleraa

Mittarfissat pillugit siunnersuut novemberip 12-ani siullermeerneqarmat oqallittoqalaavissorpoq, tassani illuatungiliuttut Inuit Ataqatigiit aamma Partii Naleraq siunnersuummut akerliulluinnaramik. Nuummi Ilulissanilu mittarfiit tallinissaat aammalu Qaqortumi, Tasiilami, Ittoqqortoormiinilu mittarfittaarnissaq Naalakkersuisut siunnersuuminni angorusuppaat. 

Aamma atuaruk Mittarfiit ilaasa tallineqarnerisigut angalariaatsit allanngussapput

Nuummi mittarfik tallineqassappat 1799-meterinik takissuseqalernissaa kissaatigineqarpoq, tamannalu Asii Chemnitz Narupip iluarisimaarutigaa. 

- Ukiut kingulliit marluk takusinnaagatsigu naammanngittoq, 1799 massakkut sulissutigivarput, aamma isumaqarput ukiuni sapinngisamik qaninnerpaani mittarfik tallisariaqartoq, takinerusussatut takorloorneqarpat inatsisartuni oqaloqataajumaarpugut. 

Aamma atuaruk Mittarfiit takissusissaat Inatsisartut aalajangissavaat

Taanna isumaqarpoq Nuummi mittarfik tallineqarpat illoqarfimmut iluaqutaassasoq. 

- Kisianni pingaartorujussuuvoq oqaatigissallugu Nuummi mittarfiup tallinissaa pingaaruteqarluinnartoq, aningaasarsiornerup annertusarnissaanut aappaatut sulifissaqartitsiniarnermut, pingajuattut takornariaqarnermut, Kommuneqarfik Sermersuup borgmesteria Asii Chemnitz Narup oqarpoq.

Mittarfissat pillugit siunnersuut decemberip aappaanni aappassaarneqassaaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat