Ilulissani eqqaavissuup ikuallannera maanna qamittoq

Ilulissani eqqaavissuup ikuallannera kiisami qamivippoq. Avannaata Kommuniani upalungaarsimasut pisortaat, Jens Dahl tusagassiuutinut taama nalunaaruteqarpoq.

Eqqaavissuaq maajip ulluisa 20-anni ikuallalerpoq ataasinngornermilu juunip ulluisa 22-anni nalunaaqutaq 12.00 qaminneqartutoq upalungaarsimasut pisortaat paasissutissiivoq.

AAMMA ATUARUK Ilulissani ikuallattoq: Saviminikut qamisaaniarnermut ajornakusoortitsisut

- Ilulissani nammineq kajumissutsiminnik suleqataallutik ikiuuttut aamma Uummannamit, Qasigiannguanit, Sisimiunit, Maniitsumit nunaqarfinniillu Qeqertamit Saqqamiillu qatserisartunut qujanarujussuaq, Jens Dahl nalunaarummi allappoq, itisiliillunilu:

- Qanoq ikuallattoqalersimanera pillugu suli oqaaseqarsinnaanngilagut. Kisianni seqernup qinngornerata pilersitaanik ikuallalersimaneranut takussutissaqarpoq, upalungaarsimasut pisortaat isumaqarpoq.

AAMMA ATUARUK Upalungaarsimanermi pisortaq: Ilulissani eqqaavissuup ikuallatsinneqarsimannginnissaa qularutiginngilara

Upalungaarsimasulli politiit suleqatigalugit piffissami aggersumi eqqaavissuarmi misissuiniartut, Jens Dahlip erseqqissaatigaa.