Illuut nutaamik akisussaasortaartoq

Allaffissornikkut ingerlatsineq Inissiaatiteqatigiiffimmit A/S INI-mit siusinnerusukkut akisussaaffigineqaraluarpoq.

Tamassumali Nuummi namminersortumit akisussaaffigineqalernera, Illuut A/S-imi ineqartunut ajorseriaataassanngitsoq, ineqarnermut naalakkersuisoq, Knud Kristiansen oqarpoq.

- Tamanna allannguuteqartussaanngilaq. Allaffissornikkut ingerlatsineq allamit maanna akisussaaffigineqalernera kisimi allannguutaavoq, tassalu tamanna pissutaalluni ineqartut taama naatsigisumik nalunaarfigineqarput, Ineqarnermut naalakkersuisoq, Knud Kristiansen oqarpoq.

Nuummi Illuut A/S-imi najugaqartut arlallit allagarsinerminni tupigaat, sooq paasissutissanik annertunerusunik allagarsinerminni nassuiaanneqarsimannginnertik. Tamanna pillugu ineqarnermut naalakkersuisoq, Knud Kristiansen ima oqarpoq.

- Illuut A/S-i INI A/S-itut ulluinnarni ingerlatsiveqarnikuunngilaq. Tassalu tamanna INI A/S-ip aqunnikuuvaa. Aqutsineq immikkut allannguuteqanngilaq taamaallaat tassa allaffissornikkut aqutsineq Agerskov Consultingimit maanna akisussaaffigineqalernera kisimi allannguutaavoq attartortunullu tamanna allatigut sunniuteqartussaassanani, Ineqarnermut Naalakkersuisoq, Knud Kristiansen taama oqarpoq.

Inissiaatileqatigiiffiup A/S INI-p allaffissornikkut ingerlatsiunnaarnertik oqaaseqarfiginiarnagu KNR-imut oqarput.