Illersuisutut akuerisatut allagartaqalersut nutaat
Illersuisutut naammassisut tassaapput Cand. jur. Christina Johnsen Sisimiuneersoq, aamma Advokatfuldmægtig Cand. jur Matias Røjle Bruun Nuummeersoq, Nunatta illersuisuunera Finn Meinel tusagassiutinut nalunaaruteqarluni taama allappoq.
Illersuisutut ilinniakkaminnik naamassisut misilitsinnermini angusereerlutik pinerluttulerinermi suliani illersuisutut akuerisatut sulisinnaalerput.
Marluullutik eqqartuussissuserisutut ilinniarsimareeramik illersuisutut ilinniarnermi peqataanngikkaluarlutik misilitsipput.
Eqqartuussinermi misilittagaat aallaavigalugit immikkut akuersissummik nunatsinni eqqartuussisumut illersuisutut ilinniarnissamik peqataanngillat.
Nunatta illersuisuunerata Finn Meinelip illersuisutut ilinniarneq nutaaq ukiaq 2017-imi aallartinnissaa naatsorsuutigaa. Ilinniakkami peqataasut misilitsereernermi illersuisutut akuerisatut allagartaqalissapput.