Pan Am Illersuisut semifinalimut anngutsitsissapput
Tassami Kalaallit nunanut allanut uammisartui semifinalemut anngunniarnerminni unammisassaat sakkortusussaasut, nunanut allanut unammisartut sungiusaasuat Ingi Olsen oqarpoq.
- Pissartanngorniunnermi pingajuattut inissinniasssagutta pikkorilluinartuunissarput iluatitsilluarnissarpullu pisariqarpoq. Aamma nariuppugut isiginnaartoqarluasalluta, taakkualu tapersersuinissaat pisariaqarput. Suut tamarmik iluatseriarpata angusaqartupilussuusinnaavugut, Ingi Olsen oqarpoq.
AAMMA ATUARUK Piariingajalerpugut
Kalaallit nunanut allanut unammisartuisa unammisaqattaarnerat arfininngorpat aallartissaaq, Colombiamut unammillutik.
- Pisinnaasagut tamaasa atorlugit angusaqarluarniaannartussaavugut unamminerillu tamaasa imminut tatitusaarluta, semifinalinullu anngukkutta tassanngaaniit iliorumaarnerluta nalilersorlugu, nunanut allanut unammisartut sungisaasuat Ingi Olsen oqarpoq.
AAMMA ATUARUK Piareersaanerit naammassisaqarfiulluarnerat neriulluartitsisoq
Nunanut allanut unammisartut nukarlersaata Marco Geislerip isiginaartussat isumalluarfigai.
- Pissanganarpoq, ingammik Kalaallit Nunaanni unammisaqattaalerluni. isiginnaartorpassuit pissanganasapput.
Argentina Brasiilialu unammisassani sakkortunerpaassasut, Marco Geilserip naatsorsuutigaa, Kalaallit nunaalli seminafinalinut anngutissanersoq siulittuutigisinnaanagu.
Sungiusaasuatali Kalaallit nunanut allanut unamisartuisa imminnnut killilersinnaanerat unamminarnerpaassangatippaa.
- Immitsinnut immaqa unamminartinnnerpaassaagut. Nunatsinni isiginnaartorpassuaqarnissaq allassaatigissagatsigu. Tassalu uaugutsinnut piumaffiginerujussuaq avatangiisitsinnillu naatsorsuutigineqarnerujussuarput suliarisariaqassavarput.