Assi: Kenneth Dahl

Ilisimatusartut Kujallermi inuussutissarsiornikkut periarfissanik misissuisut

Ilisimatusartut Nunatsinneersut, Savalimmiuneersut Danmarkimeersullu Kujataani inuussutissarsiornikkut iluatsilluartunik oqaluttuanik ujarlerput.

- Ilaqutariit inuillu takornariartitsinermik aalisarnermillu inuussutissarsiuteqartut paasisaqarfigerusuppagut: Inuussutissarsiornikkut atasinnaasumik ineriartortitsineq qanoq paasivaat? Suut pingaartitarivaat, sunalu pissutigalugu? antropologi Rikke Becker Jacobsen Aalborg Universitetimeersoq KNR-imut taama oqarpoq.

Ilisimatusartut Pinngortitaleriffimmeersut Savalimmiunilu ilisimatusarfimmeersut peqatigalugit Kujataani ingerlatseqatigiiffiit anginngitsut aalisarnikkut takornariartitsinikkullu ingerlataannik nutaanik ukiup upernaallu ingerlanerani misissuiniarpoq.

AAMMA ATUARUK Olsvigip pisassiissutitaqarfiunngitsumik aalisarfiit atorunnaarsinnissaat pillugu oqarnera Krusep ilumuunnginnerarpaa

Pingaartumillu suliffeqarfiutillit misigisaat nuannersut siunnersuutigerusutaallu ilisimatusartut paasisaqarfigerusuppaat. Ilaatigut inuussutissarsiorfiit taakku marluk ukiup ingerlanerani ataqatigiissinneqarsinnaanersut paasiumallugu.

- Iluatsitsilluarsimasunik oqaluttuat tusarusuppagut. Suut ingerlalluarnersut paasillugit, suliffeqarfiillu mikisut suliamik atasinnaalluartuuneranik isumaqartut tusagaqarfigalugit, Rikke Becker Jacobsen taama oqarpoq.

AAMMA ATUARUK Kujalleq mittarfiliornerit kinguartinneqarnerat kamassutigigaa

Nuna tamakkerlugu suliaqarfiit nutaat suliffinnik pilersitsiffiullutillu aningaasarsiorfigineqarsinnaasut ukiuni kingullerni immikkut sammineqarput.

Inuussutissarsiutilli pioreersut, soorlu aalisarneq takornariartitsinerlu atorlugit - immaqa ataqatigiissillugit - periarfissanik nutaanik pilertoqarsinnaavoq, Rikke Becker Jacobsen taama oqarpoq.

- Assersuutigalugu inuussutissanik suliaqarfik ineriartorteqqinneqarsinnaasutut oqallisigineqarpoq - soorlu aalisakkanik pisuussutit suli annertunerusumik pissarsiaqarfigineqarsinnaasut. Nalunaarusiarpassuaqarpoq inuussutissarsiutit pioreersut qanoq ililluni ineriartorteqqinnissaannut tikkuussisunik.

AAMMA ATUARUK Sukap naalakkersuisoqarfiani pisortaaninngortoqarpoq

Ilisimatusartut misissuinerat Nunani avannarlerni Ministeriit Siunnersuisoqatigiiffiannut nalunaarusiarineqassaaq, taannalu eqikkarlugu kalaallisut saqqummissinneqassalluni.

Rikke Becker Jacobsenip Narsami inuussutissarsiutinik ingerlataqartut januaarip qulingiluaanit 18-ianut oqaluttuassarsiffiginiarsarissavai.

Ilisimatusartullu apriilip qulingiluaanit aqqaneq-aappaata tungaanut Qaqortumiissapput, tassanilu  workshoppertitsillutillu ataatsimiititsissallutik. Misissuinermut peqataanissaminnut soqutiginnittut mailikkut  rbj@ifm.aau.dk-mut allassinnaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat