Ilisimatusarnermi aningaasaliissutinik agguaassisut
Ph.D.-stipendienut ukiuni pingasuni ingerlasussanut, Post.doc.-stipendienullu ukiuni marlunni ingerlasussanut aningaasaliisoqarluni. Stipendienut tallimaasunut qinnuteqartut katillutik 23-usimapput. Pinngortitaleriffik taama nalunaaruteqarpoq.
Ph.D.-stipendienik ukiunut pingasunut ingerlasussanut pissarsisut ilaatigut makku ilisimatusaatigissavaat: Inuiaqatigiinni angigisassaanngitsuni tusagassiornikkut atugassarititaasut misissorneqarnissaat. Kalaallit Nunaanni pissutsit matumani aallaavigineqassallutik.
Aatsitassarsiorfinnik ingerlatsinerit kingunerisinnaasaannik eqallit kanassullu aatsitassanik arrortikkuminaatsunik akoqalersinnaanerat misissorneqarnissaat, kalaallit kræftimik nappaateqaleraangamik nakorsarneqarnerminni pisariaqartitaat iliuuserineqarsinnaasullu suuneri misissorneqarnissaat, kiisalu nunatsinni meeqqat inuusuttuaqqallu akornanni maqitsilluni siuserisarnerit tusillartarnerillu imminnut attuumassuteqarsinnaanerat aamma misissorniarneqarluni.
Post.doc..imut stipendienut ukiuni marlunni ingerlanneqartussani aningaasaliisoqarneratigut nunatsinni aalisarnerit assigiinngitsut MSC meqqilersuisarnernut, silap pissusiata allanngoriartorneranut aningaasartuutikillisaanernullu naleqqussariartuaarnerat ilisimatusaatigineqassaaq, soorlu aamma Nunatsinni tarnikkut atukkat atornerluisuusutullu inissisimasarnerit attuumassuseqarsinnaanerat ilisimatusaatigalugu misissorniarneqartoq.
