Ilisimatusarfimmi allagartartaartitsilersut
Ilisimatusarfimmi soraarummeertut ullumi nalliuttorsiutigineqarpata erinarsortoqassaaq, oqalugiartoqarluni ilinniarsimanermullu uppernarsaatinik agguaassisoqarluni.
Asseq toqqorsivimmit
Allattoq Inge S. Rasmussen
februaarip 23-at 2018 07:48
Ukioq manna soraarummeertut nallittorsiutiginerini kandidatit arfineq pingasut bachelorillu 33-t ilinniarsimanerminnut uppernarsaammik tunineqassapput, Sermitsiaq.ag taama allappoq.
Ukiullu siuliinisulli soraarummeertunut angusarissaarnerpaanut aamma akissarsitsisoqassaaq.
Soraarummeertut nalliuttorsiutiginerat Campus Ilimmarfimmi nalunaaqutaq qulinut aallartissaaq.