Ilisimatusarfik pisortartaartoq
Ilisimatusarfik septembarip aallaqqaataani nutaamik pisortartaarpoq.
![](/sites/default/files/styles/image_934x467/public/article_images/ilimmarfik_0.jpg?itok=v9MrkrSs)
Allattoq Karsten Sommer
Ilisimatusarfimmi pisortaasimasoq, Mette Barslund Danmarkimut nuummat Henriette Nolsøe Rosing pisortanngorpoq.
Henriette Nolsøe Rosing Narsameersuuvoq, cand.scient.adm.-itullu Ilisimatusarfimmi ilinniarnerminik 2008-mi naamassisimalluni. Taanna Aningaasaqarnermut Naalakkersuisoqarfimmi ukiuni arfinilinni atorfeqarsimavoq ukiunilu kingullerni marlunni sulisoqarnermut pisortaasimalluni.
Ilisimatusarfimmi pisortanngortoq Mittarfeqarfinni sulisoqarnermi inerisaanermik suliaqarsimavoq.
Henriettep allaffissornikkut aqutsinikkullu misilittagaqarluarnera pisortatut toqqarneqarneranut peqqutaanerpaasoq, Ilisimatusarfimmi rektoriugallartoq Suzanne Møller tusagassiutinut allappoq.