Ilisimannittussarsiortut: Umimmaat 30-t aallaaneqarlutillu qimaannarneqartut
Umimmaat 30-t toqungasut piffinni marlunni Millerfiup Amitsullu missaani nassaarineqarput.
Taakku aallaaneqarlutik qimaannarneqarsimapput - maannakkullu asiulersimallutik.
Upernavimmi politiit uumasut toqungasut pillugit pingasunngormat nalunaarfigineqarsimasut taama nalunaaruteqarput.
Upernavimmi politiit umimmannik toqoraasimasunik ujartuinerminni ilisimannittunik takunnissimasussarsiorput.
KNR-ip Kalaallit Nunaanni Politiit oqaaseqartinniaraluarpai - tamannali tallimanngornermi ualikkut iluatsissimanngilaq.
Politiit oqarasuaammut 701448-mut attavigineqarsinnaapput.