Ilinniartitsisut meeqqat pisinnaatitaaffiinik ilinniartitsissapput

Meeqqat pisinnaatitaaffiitik atuarfimmi ilinniarnerminni ilisimalerunikkit ajortumik pineqaraangamik ilisimasassagaat MIO isumaqarpoq. 

- Atuartinneqarneq-ajorput ilaat, naak atuarfik pillugu inatsit oqaraluartoq, meeqqat pisinnaasaat pisariaqartitaallu aallaavigalugit atuartinneqassasut, Ellen Bang Bourup MIO-meersoq oqarpoq.

Aamma atuaruk Meeqqat Illersuisuata isornartorsiuineq akerlilerpaa

Meeqqat pisinnaatitaaffiinik ilisimasaqarnerunissaq anguniarlugu ilinniartitsisunngortussat Ilinniarfissuarmi ilinniartinneqarput. MIO, Inuttut pisinnaatitaaffiit pillugit ilisimatusarfik IMF aammalu Ilinniarfissuaq isumaqatigiisuteqarnerisigut tamanna pivoq. 

- Nunarput atsiornikuugami meeqqat pisinnaatitaaffii atuutsissasut nunatsinni, taamaammat pisussaapput aamma inuiaqatigiit iluanni siammartissallugit, tassa imaappoq aamma atuarfinni ilaatinnissaat.

Aamma atuaruk Meeqqat Illersuisuata isornartorsiuinera akuerinngikkaat

Ilinniarfissuarmi lektorit aamma siunissami ilinniartitsisalernissaat MIO-p aammalu IMF-ip neriuutigaat.

-  Neriuutigaarput aamma piviusunngorsinnaassasoq ilinniarfissuarmi ilinniartitsisut aamma ilinniartissinnaassallugit taava taakku nammineq ilinniartitsineq ingerlateqqissinnaassagamikku, Ellen Bang Bourup oqarpoq.

Aamma atuaruk MIO meeqqat pisinnaatitaaffii pillugit pikkorissartitsivoq

Ilinniarfissuarmi ukiut sisamassaanik ilinniartut ilaat, ilinniartinneqarnertik iluaqutigalugu siunissamilu atorluarsinnaallugu oqaatigaat.

- Inuit meeqqallu pisinnaatitaaffiinik atuartitsissutissiaq atuaruminartoq, pissarsiaqarfigivara, Nive Berthelsen Ilinniarfissuarmi ilinniartoq taama oqarpoq.