MIO meeqqat pisinnaatitaaffii pillugit pikkorissartitsivoq

- Meeqqat angajoqqaaminnit pilersorneqarneq, paaqqutarineqarneq, nerisassaqartinneqarneq, atuartinneqarneq aamma innarliinernit illersorneqarneq inuunerminni pisinnaatitaaffigaat. Kommuneqarfik Sermersooq aamma Meeqqat Pisinnaatitaaffiinik Sullissivik MIO suleqatigiinnissamik isumaqatigiissusiorput, meeqqat pisinnaatitaaffii pingaarnerpaatut sammineqassallutik, Kommuneqarfik Sermersooq taama allappoq.

Kommunimi meeqqat pisinnaatitaaffii pillugit ilisimasanik annertusaaneq suleqatigiinnermi siunertarineqarpoq, taannalu aallaavigalugu MIO meeqqanik inuusuttunillu sullissisunut isumasioqatigiissitsivoq. Meeqqanik sullissisut meeqqat pisinnaatitaaffiinik ilinniartinneqarput taamaalillutik ulluinnarni sullissinerminni meeqqat inuusuttullu inuunerminni tatitunerullutik inuuneqarnissaannut ikiuunnissamut atugassaminnik tuniorarneqarlutik:

- Peqataasut taama amerlatiginerat nuannaarutigaara minnerunngitsumik meeqqat inersimasullu isumasioqatigiinnermut peqataasut sammisaqarluarnerat tunniusimanerallu takullugu nuanneqaaq. Meeqqat tamarmik assigiimmik pisinnaatitaaffeqartussaapput aamma meeqqat tamarmik illersorneqartussaapput, tassa suleqatigiinnissamik isumaqatigiissutip siunertarpiaa. Meeqqavut illersortariaqarpavut, Meeqqat Illersuisuat Aviâja Egede Lynge oqarpoq.

Meeqqat Pisinnaatitaaffiinik Sullissivik MIO kommunimi meeqqanik sullissisunik meeqqat pisinnaatitaaffii pillugit oqaaseqariartortinneqarpoq, Nuuk, Paamiut, Qeqertarsuatsiaat, Tasiilaq aamma Ittoqqortoormiit tikinneqarlutik.