Danmarkimi ilinniakkanik killiliisalernissaq kalaallinut ilinniartunut eqquissaaq
Malittarisassaq nutaaq tassa ilinniagaqareersimagaanni allamik nutaamik ilinniagariikkap naleqqataani appasinnerusumilluunniit ilinnialeqqinnissaq naalagaaffiup tamakkiisumik akilertarneranut killiliisuuvoq. Malittarisassaq 2017-imi aasami ilinnialerfimmi atuutilissaaq.
Killiliinermit ukioq 2016/2017-imi nangittumik ilinniartut sunnerneqarnavianngillat.
AAMMA ATUARUK Danmarkimi kalaallit ilinniagaqartut ilinniagaqarnersiutitigut eqqugaasinnaasut
Sulisussanilli pisariaqartitsineq peqqutigalugu ilinniakkat ilaat killiliinermit ilaatinngitsoorneqarsinnaapput. Matematik Qarasaasialerinermillu qafassissumik ilinniagaq taakkununnga ilaapput. Killiliinermit eqqugaanngitsunut allattorsimaffik ilinniartitaanermut ministereqarfiup nittartagaani takuneqarsinnaavoq. Taava aamma Peqqissutsimik peqquteqaraanni ilinniagariigarluunniit qanganitsersimappat ilinniaqqinnissaq immikkut ittumik akuerineqarsinnaavoq.
Danmarkimi naalakkersuisut naapertorlugit, arlariinnik ilinniagarsinnaajunnaarneq ukiumut 308 millionit koruuninik sipaarutaassaaq, taakkulu ullormusianut aaqqissuussinernut atorneqassapput.
AAMMA ATUARUK Kalaallit Danmarkimi ilinniartut ikileriartut
Ilinniakkanik killiliisarnissamut tapersiisut, ullormusianut aningaasassaqartinniaasut, killiliinissamut akerliusut ilisimasanik eqqarsaatinillu killiliinisssamik eqqartuisut, ritzau allappoq.
Kalaallinut Danmarkimi ilinniartunut malittarisassat ilumut sunniuteqassanersoq, Nunatsinnilu ilinniarsimasat arlariinnik iliniaqarsinnaanermik killiliinissamut apeqqutaanersut, Namminersorlutik Oqartussat ilinniartitaanermut naalakkersuisoqarfiata misissorpaa.