Iligiit arfineq pingasut futsalimi GM-mut piareerput
Inuusuttuaqqat Young Guns Nuummeersut angutit nunap immikkoortuani tallimanngorneq ilanngullugu unammisaqattaarneranni takutitsilluarput.
Inuusuttuaqqat 20-t ataallugit ukioqartut unamminermi anngunniutivinnissamut anngupput finalemilu B-67 Nuummeersoq unammivaat.
Timikkut nukittussuseq taktikkimullu misilittagaqarneruneq unamminerup naammassineranut sunniuppoq. Samiisoqartarnerani tamatigungajak B-67 arsaarsisuusarpoq. Unamminermilu taakku 9-1-mik ajugaapput.
AAMMA ATUARUK KAK-p assammittarneq atorunnaarallartikkaa
Bronzennanniuttut pissanganarnerupput tassani IT-79 Nuummeersoq aamma Nagtoralik Paamiuneersoq unammimmata. IT-79 tassani iluatsitsineruvoq 4-3-mik ajugaalluni.
Qeqertarsuup tunuani ajugaanniuttut
Ilulissat timersortarfiani aamma pissangasoqangaatsiarpoq avannaani nunap immikkoortuani unamminerit tassani sapaat ilanngullugu pimmata. Unamminermi siornatigut pikkunartumik unammisareeqisut Nagdlúnguak Ilulissaneersoq aamma G-44 Qeqertarsuarmeersoq unammipput.
Tassani G-44 7-4-mik ajugaavoq bronzennanniunnermi UB-83 Upernavimmeersoq 13-2-mik FC Malamummut ajugaasoq.
Unammersuaarnerit pilersaarut malillugu apriilip 13-ianni ingerlanneqartussaapput.
Iligiit uku futsalimi GM-mut annguupput:
S-68, Sisimiut
G-44, Qeqertarsuaq
Nagdlúnguak, Ilulissat
UB-83, Upernavik
FC Malamuk, Uummannaq
B-67, Nuuk
Young Guns, Nuuk
IT-79, Nuuk
