Ilanngaaserisut hashi 2,3 kiilu timmisartumut nassataniittut nassaarigaat
Kangerlussuup mittarfiani ilanngaaserisut timmisartumut ilaasut ilaata nassataani arfininngornermi nassaarput. Hashimi 2,3 kiilu nassaarivaat.
Angutip 40-t sinnerlugit ukiullip Danmarkimit nunatsinnut angalasup nassataaniipput.
Angut politiinit tigusarineqarpoq, eqqartuussivimmullu sapaatip ingerlanerani sassartinneqarluni. Kalaallit Nunaanni Politiit pigaartuisa pisortaat Anette OStenfeldt KNR-imut taama oqaluttuarpoq.
Angut qaammammi ataatsimi pineqaatissinneqarsimasunut inissiisarfimmiittussanngortinneqarpoq, angutillu pineqaatissiineq akueraa.
Kingusinnerusukkulli aatsaat pinerluuteqarsimasunut inissiisarfimmiittussanngortinneqarpoq, iperagaallunilu. Politiit pigaartuisa pisortaat taama ilisimatitsivoq.