Ilaasumik ajutoortoqarnerani Sarfaq Ittuk Sisimiunut utiinnartariaqalersimavoq
Meeraq sinersortaammut ilaatilluni ajoqusermat sinersortaat Aasianniik Sisimiunut utiinnartariaqalersimavoq kinguaattoorutigisaminik.
Meeraq ajutoorsimasoq isumannaatsumukaanneqareersoq Sermitsiaq allappoq.
Allattoq Dora Evaldsen
decembarip 15-at 2024 12:50
- Ilaasoq napparsimavimmukaanneqartariaqarmat sinersortaat Sisimiunut utiinnarpoq.
Arctic Umiaq Line ippassaq Facebookkimi nittartakkaminut taama allappoq.
Meeraq pinnguartilluni seeqqumigut ajoqusermat sinersortaat Aasiaat tungaanut ingerlaartoq Sisimiunut utiinnarpoq.
Meeraq isumannaatsumukaanneqarpoq, Sermitsiaq allappoq. Sinersortaalli maanna kinguaattooqqasoq Arctic Umiaq Line-mi pisortap angummanniarlutik oqaatigaa.
- Kinguaattooqqavugut, ilaasussallu qinnuigaagut nittartakkatsinni imaluunniit Facebookkitsinni malinnnaaqqullugit, Taatsiannguaq Olsen taama oqarpoq.
Sarfaq Ittuk uani malinnaaffigisinnaavat uani.
