Ikorfartuisunut akissarsiat pitsaanerusut

Nunatsinni ikorfartuisut Danmarkimi illersuisunit akissarsiakinnerunerat pissutaalluni ikorfartuisut akissarsiaat siusinnerusukkut isornartorsiorneqartarnikuuvoq, nalunaarulli nutaaq atuutilerpat illersuisut Nunatsinneersut Danmarkimi illersuisullu akissarsiaat assigiilissapput.

Inuk pinerluttulerinermut inatsimmik unioqqutitsisimasutut pisuutinneqaraangami unnerluutigineqarlunilu pineqaatissinneqaraangamiluunniit ikiorfartuisoqarnissaa pisinnaatitaaffigaa. Suliap eqqartuussivimmi suliarineqarnerani tigummisaanermilu illersuisup pineqartumik tapersersuinissaq suliassaraa.

Naalagaaffeqatigiinni akissarsiat assigiit

- Nuannaarutigaara Kalaallit Nunaanni ikorfartuisunut atugassarititaasut Inatsisinik Atuutsitsinermut Ministereqarfimmit aallunneqarmata, aammalu Kalaallit Nunaanni suliaminnut, Danmarkimi ikorfartuisunut akissarsiarititaasut amerlaqataannik akilerneqartartussanngormata.

- Pitsannguineq tamanna pitsaasuuvoq, tassami ikorfartuisut Naalagaaffeqatigiit iluanni sumiluunniit suligaluarunik akissarsiaat assigiinngittariaqanngillat, Pinngortitamut, Avatangiisinut Inatsinillu Atuutsitsinermut Naalakkersuisoq Mala Høy Kúko oqarpoq.

Pissutsilli suli pitsaanerulersinneqarsinnaasut naalakkersuisoq isumaqarpoq:

- Suli pissutsinik pitsannguinissaq annertuumik pisariaqartinneqarpoq. Sulisussarsiortarneq, ilinniartitaaneq ataqatigiissaarinerlu pitsaasuussapput. Ikorfartuisunik nutaanik atuilernissamut periarfissat pitsaanerusariaqarput, aammalu inatsisitigut ilitsersorneqarnissamut ikorfartuisullu akornanni suleqatigiinnissamut periarfissat pitsaanerusariaqarlutik, Mala Høy Kúko oqarpoq.