Ikaartarfinnut perusuersartarfinnullu tamanit atorneqarsinnaasunut millioninik tapiissuteqartoqartoq
Nunatsinnut takornariat amerlaneruleriartuinnarput.
Tamannalu takornariartarfinni ataasiakkaani pinngortitamut atortunullu aserfallatsitsisimavoq.
Maannali pitsanngorsaasoqalerpoq.
Naalakkersuisut nunatsinni tamarmi ikaartarfinnik nutaanik sanaartornissamut, illoqarfimmi allagartalersuinissamut perusuersartarfinnillu tamanit atorneqarsinnaasunik pilersitsinissamut 3,8 millionit koruunit sinnerlugit tapiissuteqarput.
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik tusagassiuutinut nalunaarummi allappoq.
- Sumiiffinni ataasiakkaani pinngortitap avatangiisillu illersornissaannut attaveqaasersuutinut minnerusunut aningaasaliissutaasimasunik agguaasinnaagatta nuannaarutigeqaarput. Pinngortitami pingaartitatta qulakkeerneqarnissaat siunissamilu illersorneqarnissaat pingaaruteqarpoq, naalakkersuisoq, Naaja H. Nathanielsen tusagassiuutinut nalunaarummi oqarpoq, nangillunilu:
- Aningaasaliissutaasut takornariaqarnerup iluani piujuartitsinermut iluaqutaapput, kiisalu sumiiffinni sanasunut pilersuisunullu, pineqartunik suliaqartussaasunut tapersersuinerullutik.
Atortut nutaat ukiup naanerani atorneqarsinnaalerlutik piariissapput.
Suliniuterpassuit aningaasaliiffigineqartut uani atuarsinnaavatit:
Avannaata Kommunia
- Ilulissani anartarfik ingerlaartartoq anngajaaq akiliisarfilik
- "Nakkaavik"-up tungaanut ikaartarfik
- Isikkivinnut issiaartarfinnut ikaartarfik
- Iliveqarfik qaangerlugu ikaartarfik pisuffissaq sungaartumi
- Sermermiuni isikkiviup tungaanut ”piratsti”-tut taaneqartartup nalaani ikaartarfik
- Pisuffissaq sungaartumi Nukissiorfiup tunuani ikaartarfik/majuartarfiit
- Kunngip ikaartarfiata aaqqissuunneqarnissaa
- Siorapalummi illoqarfimmi allagartat
- Qattarmiunut pisuffissap nalunaarsorneqarnissaa
- Upernavimmi illoqarfimmi allagartat paasissutissartallit
- Illoqarfiup kortiinut ilisiffissat
Qeqqata Kommunia/ Arctic Circle Business
- Itinneq Bridge
- Kangerluarsunnguaq Trail
Kommuneqarfik Sermersooq
- Nuup tunuanukarnissamut aqqutissanik pitsanngorsaaneq
- Kapisilinni pisuffissanik isikkivissiornissamullu sanaartorneq
- Paamiut: Nasiffik/Qaqqittarfik/Blue pointimut majuartarfinnik pitsanngorsaaneq
- Ittoqqortoormiini perusuersarfinnik tamanit atorneqarsinnaasut
- Kapisilinni taseq 1(alleq) taseq 2-llu nalaani ikaartarfiliorneq
Kommune Kujalleq
- Containerit 3 x 5 perusuersartarfiit, containerit tamarmik ataatsimik innarluutilinnut perusuersartarfeqassapput
- Containereq ataaseq perusuersartarfissaq, marlunnik perusuersartarfeqassaaq
- Perusuersartarfiit tamanit atorneqarsinnaasut, perusuersartarfiit ikuallaavittallit
- Qassiarsummi perusuersartarfinnik nutarterineq
