Assit qimerluukkit: ICC-ermiut Ilulissani ataatsimiittut

Inuit Issittormiut Siunnersuisoqatigiiffiata, tassa Inuit Circumpolar Councilip (ICC) ilaasortaasa aallartitaat siullermeerlutik Ilulissani ataatsimiinnertik ullumi aallartippaat.

Taamaammat naggueqatigiit inuit nunatsinneersut, Canadameersut Alaskameersullu Ilulissat timersortarfianni ullumi katersuupput. ICC-mi ilaasortat Chukotkameersut (Rusland) attaveqaatitigut peqataapput.

Taakku ataatsimiinnertik qullermik ikitsinertalimmik, tivanertalimmik qinnussinertalimmillu aallartippaat.

ICC-mi tamarmi siulittaasoq Sara Olsvig, Avannaata Kommunia Palle Jeremiassen Naalakkersuisullu siulittaasuat Muté B. Egede tamatuma kingorna oqalugiarput.

ICC-ermiut ataatsimiinnertik qullermik ikitsinertalimmik pisortatigoortumik ammarpaat. Assi © : KNR/Teitur Larsen

ICC-mi ilaasortat Canadmeersut ataatsimiinnerup aallartinnerani qinnussipput. Assi © : KNR/Teitur Larsen

ICC-mi ilaasortat Candameersut ilaat. Assi © : KNR/Teitur Larsen

Ataatsimiinnerup aallartinnerani qinnussisoqareermat tivasoqarpoq. Assi © : KNR/Teitur Larsen

ICC-mi tamarmi siulittaasoq, Sara Olsvig, ataatsimiinnermi tikilluaqqusisuuvoq. Ukrainemi sorsunnerup politikkikkut suliani qanoq ilungersuatitsitiginera, taassuma oqalugiarnermini erseqqissaatigaa. Ukrainemimi sorsunneq ICC-p ilaasortamik Chukotkameersut attaveqatiginiarneranik ajornakusoortitsisoq, taanna aamma oqarpoq. Taamaakkaluartoq ataqatigiiginnarnissamik kaammattuuteqarpoq. Assi © : KNR/Teitur Larsen

Avannaata Kommuniata borgmesteria oqalugiartoq. Assi © : KNR/Teitur Larsen

ICC-mi ilaasortat nunatsinneersut ilaat. Assi © : KNR/Teitur Larsen

Avannaata Kommuniata borgmesteria Palle Jerimiassen. Erinarsoqatigiilt taassuma tunuaniipput. Assi © : KNR/Teitur Larsen

Erinarsoqatigiit nunatsinneersut assuartut. Assi © : KNR/Teitur Larsen

Ataatsimeeqataasut ilaat assuarrapput. Assi © : KNR/Teitur Larsen

Issiaviit inuttaqanngitsut Chukotkameersununuugaluartut Chukotkameersut najuutinngikkaluarlutik attaveqaatitigut peqataanerannik ersersitsissutaapput. Assi © : KNR/Teitur Larsen

ICC-mi ilaasortat Chukotkameersut attaveqaatitigut peqataapput. Taakku ICC-mi ilaasortaqatitik suleqatigiinnermut qutsavigaat. Assi © : KNR/Teitur Larsen

Naalakkersuisut siulittaasuata, Muté B. Egedep, oqalugiaataa immiussaq takutinneqareermat tivasoqarpoq. Assi © : KNR/Teitur Larsen

ICC-mi ilaasortani ataatsimiinnermi najuuttut tamarmik Ilulissat timersortarfiata silataani qamussuit qaavanniittut. Ilaasortat Chuktoktameersut najuutinngimmata assiliseqataanngillat. Assi © : KNR/Teitur Larsen

ICC-mi ilaasortat nunatsinneersut. Assi © : KNR/Teitur Larsen