Iben Mondruppip atuakkiaa akissarsitinneqarpoq
DR nittartakkamini taama allaaserisaqarpoq.
Akissarsiaa 25.000 koruuninik naleqarpoq. Iben Mondruppillu akissarsitinneqarnini toqqaannartumik radiokkut aallakaatitassiami P1-kkut tusarliunneqarmat tusarpaa.
Danskit atuagaateqarfiisa naliliisartullu toqqarpaat, Iben Mondruppip atuakkiaa qatanngutigiit pingasut Qeqertarsuarni peroriartornerat pillugu allaaserisaq akissarsitinneqassasoq.
Aamma atuaruk Iben Mondrup aningaasaateqarfimmit aningaasaliiffigineqarpoq
Taassuma saniatigut atuagaateqarfinnit atuakkat allat marluk toqqarneqarsinnaasutut taasimavaat, tassaallutik Peter Høeghp atuakkiaa 'Effekten af Susan' aamma Jens Vistruppip atuakkiaa 'Opland'.
Naliliisartulli - atuakkanik atuartartunik tallimaasunit inuttallit - DR byenimut maajip naanerani toqqaajartorlutik takkukkamik Mondrup akissarsisussatut toqqarpaat.
Naliiisut tamarmiullutik atuagaq toqqarpaat, DR-mit nutaarsiassani allassimavoq.