Iben Mondrup aningaasaateqarfimmit aningaasaliiffigineqarpoq
Danmarkimi Statens Kunstfonds Legatudvalg for litteratur, tassa atuakkiortut aningaasaliiffigineqartussatut piukkunneqartut pillugit naalagaaffiup eqqumiitsuliortunut aningaasaateqarfiata aalajangiisartui, atuakkiortut arfineq-pingasut legatinnattussatut piukkussatik maanna toqqarpaat, tmamarmillu ukiuni tulliuttuni pingasuni sulinissaminnut immikkut 855.000 koruuninik tunineqartussanngorput.
![Iben Mondrup](/sites/default/files/styles/image_934x467/public/article_images/iben_mondrup_1.jpg?itok=bvSX7o2E)
Iben Mondrup
Allattoq Karsten Sommer, Mads Lynge
Atuakkiortoq Qeqertarsuarmi Nuummilu peroriartorsimasoq Iben Mondrup legatinnattussanut ilaavoq. Iben Mondrupip atuakkiai Nunatsinni misigisarsimasaminut amerlasuutigut tunngasarput.
Taassuma Qeqertarsuarmi meeranerminut eqqaamasalersaarutai "Godhavn" siorna saqqummersinneqartut nersorneqaatigai.
Aningaasaateqarfimmit aningaasalerneqarnissaminnut qinnuteqartut 737-upput, taakkunanngalu arfineq-pingasut toqqarneqarput, Iben Mondrupilu tassa taakkununnga ilaalluni.
Iben Mondrup allallaqqillunilu torersumik allattartutut nalilerlugu atuakkiortut aningaasaliiffigineqartussatut piukkunneqartut aningaasaateqarfiannit aningaasanik pissarsisussatut toqqarneqarpoq, Iben Mondrupillu nammineq oqaatigaa eqqissilluni maanna sulisinnaanngorluni.