IA uranimut suli naaggaarluinnarsimavoq
Isummanik paasisanilluunniit uranimut naaggarluinnarnermut allanngortitsisinnaasumik saqqummersoqanngimmat, Inuit Ataqatigiit uranimut naaggaarluinnarnertik allanngortinngilaat.
Inuit Ataqatigiimmi isumaqarput inuiaqatigiit urani pillugu sukumiisumik oqallitsinneqarnissaat pisariaqartoq.
Nunat tamalaat akornanni isumaqatigiissutit qinngornernut ulorianartunut tunngassuteqartut Nunatsinni Danmarkimilu naalakkersuisut suleqatigiillutik piffissami matumani qulaajaaffigivaat.
Taamaattumik folketingimi amerlanerussuteqartut uranitalinnik avammut niuersinnaanermut ammaassisinissaminnut aviisip Politikenip nittartagaani piareersimanerarneqartut pillugit Kuupik V. Kleist ima oqarpoq:
- Ajunngilaq Danmarki nammineq uraniuteqaruni avammut niuerutigerusukkuniuk niuerutiginiarliuk. Uagut Nunatsinni uranimut piiaanissamut suli naaggaarpugut. Aamma uagut nammineq aalajangissavarput piiasoqassanersoq, IA-p siulittaasua KNR-mut oqarpoq.
