IA Qaasuitsup Kommuniani suleqatigineqarnianngilaq
![](/sites/default/files/styles/image_934x467/public/article_images/ole_dorph_5.jpg?itok=0mc3eJAl)
-Oqaloqatigiinnigut ajunngivissumik ingerlapput, Ole Dorph, Qaasuitsup Kommuniani borgmesterinngortussaq oqarpoq. Piffissami kingullermi partiit Kommunalbestyrelsemut ilaasortanngortut isumaqatigiinniartartui qinigaasullu nutaat oqaloqatigiittarsimapput, Qaasuitsup Kommuniata ingerlariaqqinnissaanut suliniutissat oqaloqatigiissutigineqartarlutik. Taakkualu oqaloqatigiittarnerit tunuliaqutaralugit Siumut aamma Atassut Kommunalbestyrelsemi ukiuni sisamani tulliuttuni suleqatigiinnissamut isumaqatigiinniartussanngorput.
-isumaqatigiinniarnerit sapaatip akunnerata tullia ingerlasaqattaassapput, kisianni oqaatigisinnaanngilara qaqugu naammassissanersut, Ole Dorph oqarpoq.