Politikki

Siumup IA-mik isumaqatiginninniarnini unitsippaa

Siumup Inuit Ataqatigiillu naalakkersuisoqateqarnissaq pillugu isumaqatiginninniarnitik unitsippaat. Sara Olsvig KNR-imut taama oqaluttuarpoq.

Allattoq Kenneth Elkjær

maajip 03-at 2018 16:11

Aalisarneq pillugu inatsisissaq qanoq isikkoqassanersoq, partiit isumaqatigiissutigisinnaanngilaat. Taamaammat Siumut nalunaarsimavoq, IA-mik isumaqatiginninniarnerit unitsillugit.

- Kingullermik oqaloqatigiinnitsinni paasitinneqarpugut, aalisarneq pillugu oqaloqatigiinnerput maanna taamaatissasoq. Imarisaa ima paaseqatigiissutigisinnaallugu oqaloqatigiissutigisinnaagipput malugisinnariaratsigu, oqaloqatigeqqinnissamut mattussinngilagut, Sara Olsvig oqarpoq.

Tunngaviusumik Inatsit pillugu isumalioqatigiissitap nutarterneqarnissaa, Inuit Ataqatigiit naalakkersuisunngortitsiniarluni Siumumik isumaqatignniarnerami aalajangiusimaneqarluni piumasarineqarpoq.

- Tunngaviusumik inatsissaq pillugu isumalioqatigiissitap innuttaasunit, politikeriunngitsunit inuttalersorneqarnisaa Inuit Ataqatigiinnit piumasarineqarluni aalajangiumaneqarpoq, Inuit Ataqatigiit siulittaasuat Sara Olsvig oqarpoq.

Nalunaaqutaq 17:39 naqqitaq: Siusinnerusukkut allappugut IA isumaqatigiinnniarnernik unitsitsisimasoq . Tamanna ilumuunngilaq.

AAMMA ATUARUK Kielsenip IA utaqqivaa - aalisarnermut tunngasut apeqquterujussuupput

AAMMA ATUARUK Evaldsenip naalakkersuisoqataanissaq sussakkiinngilaa

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.