IA-p Danmarkimi nukissiuteqarnermut ministeri isornartorsiorpaa
Taama Inuit Ataqatigiit siulittaasuat Sara Olsvig qisuariaateqarluni allappoq.
Danmarkimi silap pissusianut nukissiuuteqarnermullu tunngasunut ministerip Lars Christian Lilleholtip Danmarkip 2040-mi CO2-mik mingutsitsisinnaanissaanut anguniarneqartussat 40 procentimiit 37 procentimut minnerulersinniarlugit nalunaareersorlu IA qisuariaateqarpoq.
- Naalagaaffik Danmark annertuunik anguniagaqartariaqarpoq, ingammik Nunatsinnik Issittumillu illersuisutut imminut taasassaguni. Silap pissusiata allanngoriartornera Nunatsinni ullut tamaasa malugaarput, IA-p siulittaasua tusagassiutinut nalunaarummini allappoq.
Naalakkersuisut danskit silap pissusianut naalakkersuisuat ataasinngorpamiit ullut pingasut tikeraarpat erseqqissuliorfigissagaat, Sara Olsvig neriuppoq.
Inuit Ataqatigiit ilaatigut Nunatsinni erngup nukingata atorneqarnera siuarsassallugu politikkeqarput.