Hundestedimi Issittoq pillugu misigisassarsiorfiliortoqalinngitsoq
Hundestedimi umiarsualiviup ineriartortitsinermut ukiunut aggersunut pilersaarutaa naapertorlugu issittoq pillugu misigisassarsiorfiliornissamut pilersaaruteqanngitsoq Hundestedip umiarsuarliviata Halsnæs Kommunemut allagaani takuneqarsinnaavoq.
Hundestedip umiarsualiviani issittoq pillugu misigisassarsiorfiliornissanut pilersaarusiaq illussanik titartaasartut CEBRAp saqqummiummagu Halsnæsip kommunia aaqqissuussinermut qaaqqusisuugaluarpoq.
AAMMA ATUARUK Issittoq pillugu misigisassarsiorfiliorniartut
Sikuitsumut ilisimasassarsiortoq, Knud Rasmussen Hundestedimi ukiorpassuarsi suliffeqarsimavoq. Tamannalu illoqarfiup eqqaaniarnerusariaqaraluarpaa misigisassarsiorfiliornikkullu tamatuminnga oqaluttuartariaqaraluarlutik, takornariat taamaalillutik sukuitsumut ilisimassarsiortup inuunerisimasaanut aammalu Danmarkip nunattalu akornanni pissutsit pillugit paasisimasaqarnerulersinnaagaluarput.
Hundestedip umiarsualiviani Issittoq pillugu ilisimasassarsiorfiliortoqanngikkallassasoq, borgmesteri Steen Hasselriis Sjællandske Mediemut nassuerutiginnippoq.
- Byrådip pilersaarummik unitsitsigallarnissaanit allaanerusumik allamik periarfissaqarneranik takusaqarsinnaanngilanga, tassami pilersaarutip sumiiffigisinnaasaanik allamik periarfissaqarpasinngilaq. Umiarsualiviulli suleqatigineratigut piffissami aaqqiissuteqarnissaq suli neriuutigaara.
AAMMA ATUARUK Issittoq pillugu misigisassarfiliorniarnermik aalajangiinissaq kinguartinneqarpoq
