Issittoq pillugu misigisassarfiliorniarnermik aalajangiinissaq kinguartinneqarpoq
Halsnæsip Kommunea suliffeqarfik illussanik titartaasartut CEBRA suleqatigalugu Nunatta Danmarkillu akornanni pissutsit ilaatigullu Knud Rasmussenip ilisimasassarsiornera inuuneralu tunngavigalugu takutitsivissap, takornarnianit ornigarneqartussap qanoq ittuunissaanut siunnersuut oktobarimi saqqummiuppaat.
AAMMA ATUARUK Issittoq pillugu misigisassarsiorfiliorniartut
Knud Rasmussen Nunatsinnut ilisimasassarsiornermi nalaani Hundestedimi najugaqartarpoq, taamali illorisaa Hundestedimi ullumikkut katersugaasiviuvoq.
Takornarnianik ornigarneqarsinnaasoq qanoq piviusunngortinneqartigissanersoq Halsnæsip byrådiisa pilersaarut malillugu decembarimi aalajangiiffigisussaagaluarpaat. Isumaliutersuuteqarnerilli nutaat pingaartumik aningaasaqarnermut tunnngasut aallaavigalugit aalajangiinissaq marsimut kinguartinneqartoq, Søren Würtz paasissutissiivoq.