Hongkongip naalakkersuisuisa inatsisissatut siunnersuut assortuussutaasoq piaartumik atuutilersikkusukkaat
Hongkongip naalakkersuisui isumannaallisaanermut inatsimmik nutaamik Kinap naalakkersuisuinit siunnersuutigineqartumik piaartumik atuutilersitsinissamut piareersimapput.
Hongkongip politikkikkut siuttua, Carrie Lam, nutaarsiassaqarntitsivik AFP naapertorlugu taama oqarpoq.
AAMMA ATUARUK Tusagassiuut: Tamat oqartussaaqataanerannik tapersersuisut Hongkongimi ajugaarujussuartut
Inatsit Hongkongip kiffaanngissuseqarneranut eqqartuussiveqarneranullu sunniuteqarnavianngitsoq, Carrie Lam oqartoq, nutaarsiassaqartitsivik Reuters allappoq.
Inatsisimut nutaamut missingiut amerlasuunit kamaatigineqarpoq. Inatsisip Hongkongimi kiffaanngissuseqarnermut pisinnaatitaaffinnut akornutaanissaa tamat oqartussaaqataanerannik ilungersuuteqartut ernummatigaat.
AAMMA ATUARUK Kinap præsidentiata Carrie Lam taperseraa
Akerliussutsimik tallimanngormat takutitsisoqalereerpoq.
Missingiut naapertorlugu Kina Hongkongimi isumannaallisaanermut inatsisiliornissamik imminut piginnaatitaatilissaaq. Reuters taama allappoq.
