Tusagassiuut: Tamat oqartussaaqataanerannik tapersersuisut Hongkongimi ajugaarujussuartut

Tamat oqartussaaqataanerannik tapersersuisut Hongkongimi nunap ilaata isumalioqatigiissitaanut qinersinermi taperserujussuarneqarput.

Hongkongimi nunap ilaata isumalioqatigiissitaani qinikkat 452-iusartuni qinerneqartut 388-it tamat oqartussaaqataanerannik tapersersuisuusut, Reuters naapertorlugu Hongkongimi tusagassiuut RTHK allappoq.

Tusagassiuut naapertorlugu kinap naalakkersuisuinut tapersersuisut 2015-imi qinersinermut sanilliullugu inissanik katillugit 240-nik annaasaqarput.

Hongkong qinersisartut qaammatini kingulerni akerliunermut tapersersuisut qinersinerup inernerata takutikkaa, nutaarsiassaqartitsivik dpa allappoq.

Assi © : Ye Aung Thu/AFP/Ritzau Scanpix

Hongkongimi qinersisinnaasut 71,2 procentii qinersisimasut, qinersinermi ataatsimiititaliarsuup takutikkaa, nutaarsiassaqartitsivik, Reuters allappoq. Assi: Ye Aung Thu/AFP/Ritzau Scanpix

Qinersisut aatsaat taama amerlatigaat. Qinersisut qinersinerup siulianut sanilliullugit marloriaammik amerlanerupput.

Hongkong ilaanni sakkortuumik akerliussutsimik qaammatini kingullerni tallimani takutitsiffiuvoq, qinersisoqarneranili eqqissiffiulluni.

Eqqissiviilliortoqartillugu qinersiviit Hongkongip politikkikkut siuttuanit Carrie Lamimit matuneqarnissaat ilungersuutigisaqartorpassuit ernummatigisimavaat.

Qinersinerup inerata qanoq kissaateqartoqarneranik Carrie Lamimut taassumalu naalakkersuisuinut erseqqissumik takutitsinissaa tamat oqartussaaqataanerannik tapersersuillutik qineequsaartut neriuutigaat.

Assi © : Thomas Peter/Reuters/Ritzau Scanpix

- Naalakkersuisut innuttaasut isumaaannut tusarnaarniarlutit eqqarsaatigilluartarniaraallu, Carrie Lam nalunaaruteqartoq, nutaarsiassaqartitsivik AFP allappoq. Assi: Thomas Peter/Reuters/Ritzau Scanpix

dpa/ritzau/