Homo Sapienne isiginnaartitsissutigineqalersoq
HOMO sapienne Niviaq Korneliussenip 2014-imi saqqummersimmagu soqutigineqarlualerpoq. Atuakkap Kalaallinit pissusiviusumit oqaluttuarisamik kalaallit oqaasii atorlugit inuusuttunut tulluarsarlugu atuakkiaavoq.
Atuakkiaq tunngavigalugu Nunatta Isiginnaartitsisarfia maanna isiginnaartitsissusiorpoq, isiginnaartitsisarfiullu pisortaata oqarnera naapertorlugu isiginnaartitsissut pingaaruteqarpoq.
Isiginnaartitsissut Nuummi apriilip 26-anni, 27-anni 28-annilu takutinneqassaaq, kingornatigullu Nanortalimmi, Qaqortumi, Narsami, Paamiuni, Maniitsumi, Sisimiuni, Aasianni, Qasigiannguani, Qeqertarsuarmi Ilulissanilu takutinneqassalluni.
AAMMA ATUARUK Niviaq Korneliussen er ny kulturambassadør
- Siullermik oqarusuppunga atuagaq pitsaalluinnartuuvoq! Atuakkiamimmi pisut sakkortuut, misigissutsit sakkortuut, inuttat soqutiginartut ajornartorsiutillu paasiuminaatsut atuarneqarsinnaapput. Inuusuttut oqaasiinik atuivissorpoq, taakkulu pimoorunneqarnissaat pingaartuuvoq, inuusuttummi allatuulli misigissuseqarnerat aamma inissaqartinneqarnissaat pingaaruteqarpoq, Susanne Andreassen oqarpoq.
AAMMA ATUARUK Niviaq Korneliussenip atuakkiaa Canadami saqqummertoq
Atuagaq Homo Sapienne maanna oqaatsinik assigiinngitsunik qulingiluanik saqqummersinneqareerpoq.