Niviaq Korneliussen kulturikkut nittarsaasisutut nalunaarutigineqarpoq

Atuakkiortup Niviaq Korneliussenip suliassani qilanaareqai.

- Nuannaaqaanga massakkut qaammatit arlallit ilisimanikuugakku kisianni ippassaq suaarutigineqarmat tulluusimaarnaqaaq, aamma suliassat uummateqarfigisakka pilerigeqaakka suliarinissaat, Niviaq oqarpoq

AAMMA ATUARUK Niviaq Korneliussenip atuakkiaa Canadami saqqummertoq

Atuakkiortullu kulturikkut nittarsaassisutut atuuffissani imminut naleqqutippaa.

- Isumaqatigiissutigereerparput atuakkialerinermut soorunami tunngassaaq, nunatsinni atuakkialerineq ineriartoraluartoq suli ineriartornerusinnaagami, ingammik meeqqat inuusuttullu eqqarsaatigissagalugit, atuakkiortoq Niviaq Korneliussen oqarpoq.

Borgmesterip Asii Chemnitz Narupip atuakkiortup nunatsinniinnaanngitsoq, nunanili allani aamma uisitsinissaminik piginnaaneqarnera tunngavilersuutigaa:

- Niviaq Korneliussen tassaavoq eqeersimaartumik oqaaseqartartoq, inuusuttut allat allattarnissaannik kaammattuisartoq. Niviaq qanga ileqqutoqqat piunnaarlugit nutaaliorpoq.

Borgmesteri Asii Chemnitz Narup Kommuneqarfik Sermersuup nittartagaani taama allappoq.

AAMMA ATUARUK Kommunep kulturikkut nittarsaassisua nutaaq ullumi toqqarneqassaaq

Atuakkiortup Niviaq Korneliussenip eqqumiitsuliortoq Gedion Qeqe Tasiilameersoq taarserpaa.