Politikki Inuussutissarsiutit

Henrik Leth: Namminersorlutik Oqartussat imminnut pisaripput

Avaleraasartuunut akitsuutit qaffanneqarnerisigut Namminersorlutik oqartussat imminnut pisaripput, Polar Seafoodip siulersuisuini siulittaasoq Henrik Leth isumaqarpoq.

Allattoq Inge S. Rasmussen

juulip 28-at 2016 10:36

Nutserisoq Jaaku Lyberth

Akiitsuut minnerusuuppat nunat allamiullu aalisariutaannik attartorsinaanermut maleruagassat sukaterneqarnerisigut ukiormanna avaleraasartoorniarnermut sunniuteqassasoq, Henrik Leth aviisimut AG-mut oqarpoq.

Angallatit avaleraasartoorniartut nunatsineersut quliupput, Islandimiut angallataat sisamat Savalimmiormiut pingasut angallallu ataaseq Ruslandimeersoq tunup imartaani misileraallutik avaleraasartoorniarput.

2015-mi angallatit arfineq marluk Ruslandimeersuullutilluunit qeqertanit S. Kitts and Nevisimeersuupput.

Maleruagassani nutaani kinamiut angallataannik attartortoqarsinnaajunnaarpoq, tamatumalu malitsigisaanik aalisariutit avataaneersut amerlasuut maanngarlutik aalisaqataasinngillat, Henrik Leth aviisimi AG-mi apersorneqarluni oqarpoq.

- Akitsuusiinikkut Namminersorlutik Oqartussat imminnut pisaripput, Henrik Leth oqarpoq.

Misileraalluni aalisarneq suli pineqarpoq taamaattummilu ukiuni makkuni uppernarsarneqartariaqarpoq kalaallit nunaata imartaani avaleraarsartooqarluartoq, misileraalluni avaleraasartoorniarneq pisassiiutigineqartalernissaanut ikaarsariannginnermi.

Avalaaeraarsartoorniarnermi sapaatip akunnerani uani kisitsit saqqummmiunneqartut naapertorlugit, avaleraasartuut 14.000 tonsit qaqinneqarput. Avaleraasartuut 85.000 tonsit ukiormannamut pisassiissutigineqarpoq. 2014-mi rekortiliisoqarpoq ukiup taamaaliinerani ukiormanna qaqinneqartut marloriaataat pisarineqaramik.

Aamma atuaruk Avaleraasartoorniarneq ingerlalluartoq