Avaleraasartoorniarneq ingerlalluartoq
Avaleraasartoorniarneq ukiup siulianut sanilliullugu pitsaaneruvoq.
- Avalerasaartoorniarnermili rekordiliineq 2014-imi suli anguneqanngilaq, Petur Meinhard Jacobsen, Aalisarsinnaanermut Akuersissutinik nakkutilliisoqarfimmeersoq, KNR-imut oqarpoq.
Maannamut avaleraasartuut 14.202 tonsit marlunngornermi juulip ulluisa 26-anni pisarineqarsimasut nalunaarsorneqarsimapput.
Avaleraasartuut 85.000 tonsit ukiormannamut pisassiissutigineqarput.
Ukiup siuliani ulloq taanna avaleraasartuut 9.000 tonsit pisarienqarput. Ukiut marluk matuma siorna ulloq taanna 28.000 tonsit pisarineqarsimallutik.
- Maanna siulittuutigineqarsinnaavoq avalaraasaartoortassat tamakkerlugit pisarineqarnissaat ajornakusuussasoq, Petur Meinhardt Jakobsen KNR-imut oqarpoq.
Angallatit 18-it maannakkut avaleraasartoorniarput.
Taakkunannga Kalaallit Nunaanneersut qulillutik, Islandimiut sisamat, Savalimmiormiut pingasut angallallullu ataaseq Ruslandimeersoq avaleraasartoorniarput.
