KNR pillugu nutaarsiassat

KNR Hans Jukku aallarteqqinnissaminut piareerpoq

4. februar PIGGAPPAAT aallarteqqilerpoq. Pulaartut amerlinerussapput, pulaarfiup issikkua pitsanngorsarneqarsimalluni aammalu suli qiimanarnerussalluni. PIGGAPPAAT takkuteqqimmat pingasunngornikkut unnukkut aliikkutassaqarnissaq isumannaarpoq. Aliikkusersuiniarlutik suliaqartut ingerlaqqinnissamut piareerput. Pulaartut alutornartut arlaqartut Hans Jukku Noahsenip akianut inginnissaminnut piareersimapput.

Allattoq Paasissutissat KNR / KNR Info

februaarip 03-at 2015 13:07

”Aallakaatitsinerup aallartinnissaata tungaanut kikkut pulaartuussanersut oqaatiginaveersaartarparput”, KNR-ip tv-kkut aallakaatitsinernut pisortaq Jan Berg oqarpoq, taassumallu oqaasii naapertorlugit pulaartussat pakatisitsinavianngillat.

Inip aallakaatitsiffiup isikkua allanngorsarneqarpoq aammalu allanngornera isiginnaartunit erniinnaq malugineqassaaq.

”KNR-ip aliikkutatut aallakaatittagaata ingerlaqqilernera nuannaarutigaarput. PIGGAPPAAT oqalunnertalik nuannarineqartoq aallarteqqilerpoq, tamannalu nuannaarutigaarput”, Jan Berg oqarpoq.

KNR TV-kkut aallakaatinneqartartup uuma massakkut aallakaatinneqartussat nanginnerai. PIGGAPPAAT-imi aqutsisoq Hans Jukku Noahsen aamma ingerlaqqilernissaminut qilanaarpoq.

”Aallakaatitsinerit ingerlalersussat nuannerunarluinnarput. Pulaartoqartarnissara nuannerunaqaaq qilanaarnarlunilu kiisalu ikasarnissaq qiimasaarnissarlu aammattaaq qilanaaraakka,” Hans Jukku Noahsen oqarpoq.

PIGGAPPAAT pingasunngornikkut unnukkut nal. qulinut 22:00 takuneqarsinnaasassaaq. Aammattaaq aqaguani knr.gl–imi Piggappaat qupperneranni uani knr.gl/piggappaat taavalu KNR-ip YouTube kanaliani youtube.com/knrgreenland takuneqarsinnaassalluni.

KNR Hans Jukku aallarteqqinnissaminut piareerpoq

Aamma atuaruk