Hans-Henrik Suersaq Poulsen ICC-p ataatsimeersuarnerani nersornaaserneqartoq
Hans-Henrik Suersaq Poulsen Inunnut inuusuttunut oqaatsinik, piorsarsimassutsimik ataatsimoornermillu nukittorsaaqataasunut tunniunneqartartumik, nersornaammmik Hans Pavia Rosingimik nersornaaserneqartut sisamat akornanniippoq.
ICC-p Iqalunni Canadami ulluni makkunani ataatsimeersuarnerani nersornaasiisoqarpoq.
Nersornaat ICC-p siulittaasuanit Sara Olsvigimit tunniunneqarpoq. Taassumalu siulittaasuuffik nunamut allamut arfininngorpat tunniutissavaa.
Nunatsinniit Hans-Henrik Suersaq Poulsenip nersornaaserneqarnerata saniatigut inuusuttut nunanit allanit peqataasut aamma nersornaaserneqarput.
ICC tamanna pillugu facebookimi quppernerminut allappoq.
Hans-Henrik Suersaq Poulsen, eqqumiitsuliortut H.H.-mik taaguuteqartoq aataqqeeqqeeqqiimi oqaluttuassartaa pillugu isiginnaagassialiaminik saqqummersitsivoq.
Isiginnaagassiami taamani Hans-Hendrik Suersaq, nuliani Meqo, meeqqatik ilisimasassarsioqataasullu allat ilagalugit 1872-mi nunatsinni sikutamiillutik saavigussaanerat oqaluttuarineqarpoq.
Katillutik inuit 19-iullutik ukiup affaa saavigussaasimapput kingornalu Canadami Labradorimut pipput tassanilu annaanneqarlutik.
