Hammond, Kleist aamma Lynge unnerluunneqalinngillat
Ullumi pingasunngornermi unnerluussisussaatitaasut pisortaat taama tusagassiutinut nalunaaruteqarpoq.
Politikerip pineqartut pingasut angalanerminnut atatillugu Nunatta Karsianut akiligassaqartarsimaneri pillugit Nuummi innuttaasunit poliitiinut nalunaarutigineqarput.
Aamma atuaruk Politikerit pingasut politiinut unnerluutigineqarput
Unnerluussisussaatitaasut aaliangernerminnut tunngavilersuutigaat pineqartut pinerlussimanerannik pasinartoqannginnerat. Tassa pinerluttoqarsimaneranik pasinartoqartillugu unnerluussineq kisimi pisinnaasarmat.
- Nalunaarutiginninnerit misissoreerlugit politikerit pingasut pinerlussimaneranik pasinartoqanngilaq, unnerluussisussaatitaasut pisortaat allappoq.
- Suliaq pineqartoq tassaavoq nalunaarutigineqartut Namminersorlutik Oqartussanut akiligassaqartarsimaneri. Taakkulu innuttaasut aaqqiagiinnginnerannut tunngasuullutik, unnerluussisussaatitaasut pisortaat naqissusiivoq.
Aamma atuaruk Politikeri unnerluussut pillugu: Nuannerpallaanngilaq
Naak pineqartut Namminersorlutik Oqattussat malittarisassaannik unioqqutitsisimagaluartut pinerlussimanerannik takussutissaqanngitsoq unnerluussisussaatitaasut allapput naqissusiillutillu pinerluttoqarsimatillugu inatsimmik unioqqutitsisoqarsimaneranik takussutissartaqanngitsoq.
Pineqartut oqaaseqartinniaraluaratsigit iluatsinngitsumik. Aleqa Hammond aamma Steen Lynge pissarsiassaanngillat, Kuupik Kleistilli tusagassiutinut nalunaarut atuaqqaarlugu uterfiginninniarluni neriorsuivoq.
Aamma atuaruk Akiligassallit pingasut ilimagisinnaavaat akiligassitseqqinnissaq
