Halibut Greenland: Naalakkersuisut tusaasimavaatigut
- Naalakkersuisut siunnerfigisimasaminnik allannguinerat ajunngitsutut isigivara. Aamma tusaaniarnerat inuussutissarsiornermik taassuminnga suliaqartutut assut iluarisimaarlugu, Halibut Greenlandimi pisortaq, Erik Sivertsen, Naalakkersuisut isummaminnik allanngortitseqqinnerat pillugu oqarpoq.
Qeqertarsuup Tunuani, Uummannami Upernavimmilu sinerissamut qanittumi qaleralinniat ukioq manna pisassaat siorna ukioq naalersoq ataasiinnanngorlugit ukiumoortunngortinneqaraluarput. Taakkuli maanna ukiup sisamararterutai tamaasa pisassinneqartassasut Naalakkersuisunit allanngorteqqinneqarpoq.
AAMMA ATUARUK Naalakkersuisut qaleralittasseeriaatsimik allanngueqqipput
Naalakkersuisut sumiiffinni taakkunani siorna ukiumut pisassiigaluarneranni, qaleralinnik tunisassiorfimmi pisortap, ukiup qiterpaarnerani tunisassiassaarunnissani, sulisumilu ataavartumik sulitissinnaajunnaarnissai qularutigalugu decembari qaammat ernummatigaa.
Taamaakkaluartorli aamma taama ernumatiginnginnini Erik Sivertsenip maanna oqaatigaa. Tassami taassuma umiatsiaararsortunit qaleralinnit ulluni 14-ni tigooraajunnaarsinnaanissartik ukiup affaanit tigooraasinnaanunnaarnermut sanilliullugu attassinnaanerunerarpaa.
AAMMA ATUARUK Halibut Greenland: Tunisassiassaarunnissaq ernumanarpoq
- Pittaaneruvoq assersuutigalugu ullut 14-it aalisartoqanngippat ukiup affaani aalisartoqannginnermiit. Ammaqqittussaammatami kvartali nutaaq aallartippat, Erik Sivertsen oqarpoq.
Kalaallit Nunaani Aalisarsinnaanermut Akuersissutinik Nakkutilliisoqarfiup kisitsisaatai naapertorlugit, Qeqertarsuup Tunuani sinerissamut qanittumi umiatsiaaqqanut ukiortaamit marsip naanissaanut pisassanit 643 tonsiusunit, qaammatip massuma qiteqqunnerani 52 procentii tulaanneqareerput.
