Laila Friis-Salling: Halfpiperfissaq pitsaasorujussuuvoq
Kalaaleq freestylemik sisorartartoq OL-erfiusussamut PyeongChangimut sapaatip akunnera kingulleq tikippoq, unammiallu allat assigalugit ammaanersiornermi ilassinneqataalluni.
Laila Friis-Salling aatsaat nunatta nalunaaqutaa malillugu sapaatiuppat unnukkut qulinut anngunnioqataassaaq.
Taamaammat sungiusarnerit unamminerlu sioqqullugit apersorneqarnissani OL-erfiusussamilu takuniaanissaminut piffissaqarfigilluarsimavai.
Martin Møllerip Laila Friis-Sallingillu OL-imut peqataanerat KNR-imit malinnaavigineqassapput:
11. feb - 30 km skiathlon, Martin Møller (Taamaatiinnarpoq)
16. feb - 15 km sukuutserneq, Martin Møller
19. feb - Halfpipe kval., Laila Friis-Salling
20. feb - Halfpipe finale, Laila Friis-Salling
24. feb - 50 km qangatut, Martin Møller
Pyeongchangimi OL-ertoqarnera februaarip ulluisa 9-annit 25-ata tungaannut pissaaq.
Unamminerit TV-kkut Kanal 5-imi Eurosportimilu toqqaannartumik malinnaaffigineqarsinnaapput.
AAMMA ATUARUK Lailap ataarutai suli apuussimanngillat
Laila Friis-Salling freestylemik sisorarluni unammeqataassaaq, unammiffissaalu aputeqarluarmat pitsaarpaseqisoq, taanna oqarpoq.
- Halfpipe ajunngittorujussuuvoq, tassaniinneereernikuuvugut ukioq kingulleq misilikkiartorlugu taavalu taamanikkut aamma pitsaasorujussuunikuulluni.
AAMMA ATUARUK Vi kan være stolte af Laila og Martin
PyeongChangimi OL-ertoqarnerani anorlernikooqaaq, ilaatigullu sisorarluni tinngallattaarnissat sisupiloornissallu kinguartinneqartariaqarsimallutik.
Sisorarfimmi halfpipemi anorlernera aamma ulorianarsinnaasoq, Laila Friis-Salling oqarpoq:
- Anorlerujussuarnissaa annilaangassutigisinnaavarput, taamaannera ulorianarsinnaammat. Kisianni neriussuugut taamanikkussamut anorikillisimassasoq.
AAMMA ATUARUK DR-ikkut malinnaavigiuk
Laila Friis-Salling sisorarlutik anngunniuttunut nunatta nalunaaqutaa malillugu sapaatiuppat unnukkut qulinut unammeqataassaaq.