Haitimi nunap sajunnerata kingorna ajunaartut 724-nngorput
Haitip kujataata kippasinnerusortaani nuna arfininngornermi sakkortuumik sajummat inuit ikinnerpaamik 724-it ajunaarput. Nunap sajunneranut uuttuut naapertorlugu 7,2 nik sakkortutigisumik sajuppoq annertoorujussuarmillu aseruatiterfiulluni.
Taama nalunaaruteqarpoq ajunaarnersuaqarnerani isumaginnittuni oqartussaasut oqaaseqartartuat
Oqaaseqartartup ilanngullugu nalunaarutigaa, nunap sajunnerata kingorna inuit hundredelikkaat ajoqusersimasut allallu ujaarineqartut.
Aseruatiternerit qanoq annertutiginersut suli paasineqanngilaq aamma ajunaartut amerlanerussanersut suli ilisimaneqarani.
USA Haitimut piaartumik ikiunissaanik amerikamiut præsidentiat Joe Biden piginnaatinneqarpoq.
Tassaarsuaqartoqarnissanik amerikamiut aarlerissarutaat sivikitsukullammik nalunaaruteqaraluarpoq taannali taamaatiinnarneqarpoq.
Cupap kangisinnerusortaani illoqarfimmi Guantanamomi innuttaasoq oqaluttuarpoq, Haitimi nunap sajunnera sakkortungaarmat maligisinnaasimallugu
- Kikkut tamarmik annilaangasorujussuupput. Ukiut qulit qaangiupput Haitimi taama sakkortutigisumik sajummat, Haitimi najugalik Daniel Ross taama oqarpoq.