GSS Nagdlunguarlu assammik arsarnermi pissartanngorput
maajip 01-at 2005 16:58
Assammik arsarlutik pissartanngorniunnerit ullumi naammassineqarput, Sisimiut Timersortarfianni ingerlanneqarlutik.
Arnani Nuummiut NUK GSS-ilu gultinnanniullutik, tassani GSS ajugaasuulluni 23-20-mik.
Angutini Nagdlunguaq Ilulissaneersut NUK-mut Nuumminngaaneersunut unammipput. Siorna taakku aamma finalimi naapittuupput, ukiormannalu Nagdlunguaq ajugaapput, 29-27-mik ajugaagamik.
Ullumi bronze-nnanniunnerit aamma ingerlanneqarput. Tassani Sisimiormiut angutini arnanilu ajugaasuullutik.