Inuussutissarsiutit Avatangiisit

Greenpeace akiliisussanngorlugu pineqaatissinneqarpoq

Avatangiisinik illersuiniaqatigiit Greenpeace Kalaallit Nunaata imartaani uuliasiorluni qillerinerit akerleralugit uuliasiorfimmut Qeqertarsuup eqqaaniittumut 2011-imi qallornerat pillugu akornusersuisimasutut Nuummi eqqartuussivimmi akiliisussanngorlugit pineqaatissinneqarput.
Arctic Sunrise protesterer mod seismiske undersøgelser
Arctic Sunrise protesterer mod seismiske undersøgelser Assi © : Christian Aaslund/Greenpeace
Allattoq Jaaku Lyberth
septembarip 07-at 2015 17:35

Eqqartuussivimmi eqqartuussut nalunaarutigineqarmat, Greenpeace Danmark aamma Greenpeace International akiliisussanngorlugit eqartuunneqarput.

Greenpeace Danmark 100.000 koruuninik akiliisussanngortinneqarpoq, Greenpeace International 75.000 koruuninik akiliisussanngortinneqarluni.

Taama paasissutissiivoq politimestereqarfimmi unnerluussisuuneq Morten Nielsen.

Aamma atuaruk Greenpeace uuliasiornermut akerliussutsimik takutitsivoq

Kalaallit Nunaata imartaani misiliilluni qillerinerit Skotlandimiut uuliasiortitsiviannit Cairnimit Qeqertarsuup kitaata avataani ingerlanneqartut akerleralugit, Greenpeacemi ilaasortat akornusersuipput. Greenpeacemi ilaasortat pingasoriarlutik  Cairnip uuliasiortitsivianut qallorput.

Eqqartuussivimmi pineqaatissiinermi pingaartinneqarpoq, Greenpeacemi ilaasortat uuliasiorfimmi akornusersuinerisa kingorna Kalaallit Nunaata imartaani uuliasiorluni qillilerinerit ulluni arlalinni unitsinneqartariaqarsimammata, Greenpeacemilu ilaasortat ilaat ulorianartortitsisimammat.

Aamma atuaruk Ombudsmandi Greenpeace pillugu tapersiillunilu isorinnippoq

Avatangiisinik illersuiniaqatigiit Danmarkimi akornusersuisarnerminni siornatigut pillarneqartarsimanerat Nuummi eqqartuussinermi sunniuteqarsimasoq, Nuummi eqqartuussivik nalunarpoq.

Suliaq eqqartuussivimmi ukiuni sisamani suliarineqarpoq.

Aamma atuaruk