Greenpeace uuliasiornermut akerliussutsimik takutitsivoq

Avatangiisinik illersuiniaqatigiit Greenpeace Kalaallit Nunaanni uulisiorniarneq isumaqatiginagu maannakkut akerliussutsimik takutitsipput. Uulisiortitsiviit arlaqartut uuliasiorniarlutik qillerinissaminnut piareersarput, Greenpeace tusagassiuutinut nalunaaruteqarlutik taama allapput.

Arctic Sunrise protesterer mod seismiske undersøgelser

Allattoq Jaaku Lyberth, Jonas Fievé

septembarip 04-at 2015 17:03

Uuliasiortitsiviit Tunup avannaata imartaaani sajuppillatitsillutik misissuipput missuissuiffiusumi issittup sikuinik ulikkaarpoq.

Aamma atuaruk Immap naqqanik sajuppillatsitsisarneq Greenpeacemit isornartorsiorneqarpoq

Imaani sajuppillatsitsilluni misissuinerit qamutilinnik aallartitsinertut nipitutigipput taakkua immap naqqata tungaanut nipinik uuttuutinik decibelinik 259-tut sakkortutigisut sekundit qulikkaarlugit aallartinneqartarput taakkualu ullup unnuallu ingerlanerani aallartinneqartarlutik.

- Taama nipitutigisunik arlalippassuarnik immap naqqanut nassitsisinnaanermut Naalakkersuisut akuersisimanerat paasisinaanngilara, misissuiffiusoq ajornartorsiorfittut taaneqarsimammat, tassami tassaniipput arfiviit qilalukkat aamma aarrit.

- Sajuppillatitsilluni misissuinerit arfernut aamma uumasunut imarmiunut ajoqusiisarput taamaattumik imaani sajuppillatsitsilluni misissuinerit unitsivinneqartariaqaraluarput, Sune Scheller Greenpeacemi aaqqissuussinermut aqutsisoq Greenpeacip umiarsuaani Arctic Sunrisemiittoq taama oqarpoq.

Nutaarsiassami kukkunermik nassaarsimaguit uunga allaffigineqarsinnaavugut.