Greenland Gas and Oil Jameson Landimi uuliasiorusuttoq
Ittoqqortoormiit avannaani Jameson Landimi uuliaqarfiusinnaasumik ilimanaateqartoqartoq.
![](/sites/default/files/styles/image_934x467/public/article_images/oliepriser.jpg?itok=DowXeaOn)
Allattoq Andreas Wille
Ingerlatseqatigiiffik Londonimit aallaaveqartoq Greenland Gas and Oil, Ittoqqortoormiit avannaani uuliamik nappartanik 300 millioniniit 3 milliardit tungaannut amerlassusilinnik qalluinissaminnut qinnuteqarsimapput, aviisi Sermitsiaq allappoq.
AAMMA ATUARUK Naalakkersuisut uuliamik misissuisitseqqilerusuttut
Ingerlatseqatigiiffik qinnuteqarnermi saniatigut Jameson Landimi sumiiffinni angisuuni marlunni suli suliniuteqartoq, aviisi allappoq.
-Sumiiffinni paasissutissat tamakkiisut katersorsimalerpavut, suliniummilu immikkoortumut tullermut ingerlaqqissinnaalerluta, Roderick McIllree, Greenland Gas and Oil-imi siulersuisuni siulittaasoq aviisimut oqarpoq.