Nunatta Karsia amigartooruteqarnersoq ataatsimiititaliami ilaasortaagallartup apeqqutigaa
Namminersorlutillu Oqartussani aningaasaliissutit assigiinngitsut killiffiannik, taamaalillunilu qaangiisoqarsimanersoq imaluunniit aningaasaliissutit eqqorlugit atuisoqarnersoq qulakkeersinnaajumallugu, aningaasaqarnermut ataatsimiititaliap qaammatit pingasukkaarlugit paasitinneqartarnera taassuma innersuussutigaa.
Aamma atuaruk Nunatsinni tunisat pisiallu oqimaaqatigiinneranni amigartoorutit ikileriarput
- Ukiup qaanmmataanni kingullerni kontot imaasa misissuataarnissaat immikkut soqutiginaateqartarpoq, ukiumut missingersuutit tamakkiisut eqqorlugit ingerlatsisoqarnersoq imaluunniit amigartooruteqartoqassanersoq takuneqarsinnaasarmat, Naaja Nathanielsen allappoq.
Aamma atuaruk Landskarsi sinneqartoorpoq
- Aningaasaqarnermut ataatsimiititaliaq nalinginnaasumik ilisimatinneqartarpoq, ukiormannali naamik. Sooq ilisimatinneqannginnersugut naluara, kisianni imaassinnaavoq ilisimasanik avitseqateqarnissaq qineqqusaarnerup nalaani naalakkersuisut pisariaqartinngikkaat, Naaja Nathanielsen allappoq. Taannali isumaqarpoq, nunatta aningasaqarnerata killiffianik innuttaasut ilisimatissallugit maannakkorpiaq pissusissamisoorluinnartoq.
Eqqaasitsissutigaalu missingersuutinik nakkutilliinermi atuinerunissamut ilimanaateqarpat, pineqartumi Naalakkersuisup akuersissutip qaanginnginnissaa isumagissagaa, immikkulluunniit akuerisaanissaanik qinnuteqarnissani pisussaaffigigaa missingersuutinut malittarisassiami allaqqammat.
- Qinersereernissamullu utaqqisinneqassanngilaq. Akisussaassuseqannginnerussaaq utaqqigaanni, Naaja Nathanielsen erseqqissaavoq, 2014-imullu missingersuutit atuutsinneqassanersut, sipporneqassanersulluunniit erseqqissumik akissuteqaqqusilluni.
Aamma atuaruk Landskarsi sinneqartoorutisissaaq
Ilanngullugu oqaatigisinnaavarput unnugu KNR-imi radiokkut TV-kkullu toqqaannartumik qinersinermut oqalliffimmi suliffissaaleqineq, aningaasaqarniarneq iluarsaaqqiinerillu eqqartorneqassammata.
Qinersinermut oqalliffik kalaallisut nal. 19.30 aallakaatinneqassaaq, nal. 21.00 qallunaatut. TV-kkut KNR2 tooqqaannartumik allaakaatitat nutserneqassapput.
