Nunarput oqimaalliallassimasoq
Sermeq Sermersuarlu 2002-mili ima aallutillu uukkaasimatigaat allaat ukiukkut apisarnera malinnaasinnaanngimmat Kalaallit Nunaat oqilisimalluni.
Qaammatinili kingullerni aqqaneq marlunni taamaassimanngilaq. Tassa apummit aattumit nakkartoq annertunerusimasoq, Berlingske allaaserisaqarpoq.
DMI-mi klima pillugu ilisimatusartoq Peter Langen naapertorlugu ukioq kingulleq naliginnaasumit apinerusimavoq. Soorlu kiattup anorersuata Nicolep Nunatta Kujataa apiterujussuarmagu. Aammattaaq aasaq kingulleq sivikillunilu nillersimammat aput sermerlu aappiarsimanngillat.
AAMMA ATUARUK Sermersuup aakkiartornera ilimagisamit sukkanerusoq
Aput nakkaasoq kingulleq aamma naliginnaasumit qaqornerusimavoq taamaalillunilu seqerngup qinnguai aputip utertinnerusarmagit nillernerullunilu aannikinnerusimavoq.
DMI-meersulli Peter Langenip ilimaginngilaa apinerusarlunilu aannikinnerusarnera ingerlaannarumaartoq.
- Naatsorsuutigaara 2002-mili takusakkatsitut ingerlaannarumaartoq, Langen Berlingskemut oqarpoq.
