Tunumi timersortarneq nalinginnaanerulissaaq
Timersornikkut aaqqissuussat oktobarimi pisussatut pilersaarutigineqarput, piginnaaneqarnikkut, suliniutinillu ineriartortitsinerit sapaatip-akunnernini marlunni immikkut aallunniarneqarlutik.
"Kalaallit Nunaanni timersornerup siunissaa"-mik taallugu aggustimi ataatsimeersuartoqarmat peqataasut ilaat oqarput Nuup avataani sineriammilu aaqqissuussat amigaatigineqartut.
Sungiusaasunut, sungiusaasunngorusuttunullu pikkorissaanerit, nammineq kajumissutsiminnik suliaqartunut sulialinnut pikkorissaaneq, mini-OL, meeqqallu atuarfianni saqqummiineq, utoqqaallu timersornikkut sammisassaqartinneqarnissaat, Kalaallit Nunaanni Timersoqatigiit Kattuffiata Tunumi timersornikkut aaqqissuussaani pingaarnertut sammineqassapput.
- Oqarutta kikkunnut tmanut timersorneq, pingaaruteqartorujussuuvoq sapinngisamik nuna tamakkerlugu tikinnissaa, timersormerlu atorlugu ineriartortitseqataanissaq, Kalaallit Nunaanni Timersoqatigiit Kattuffaiata pisortaa Carsten Olsen oqarpoq.