GIF kommunilu isumqatigiissusiortut
Timersorneq inuiaqatigiinnik kivitseqataasinnaasoq GIF isumqarpoq. Taamaammat pisortanik isumqateqarnikkut suleqateqarnissaq kattuffimmut pingaarutqarpoq, taamaaliornikkut innuttaasut timersornissaannik periarfissaat amerlisarneqarlutillu pitsanngorsarneqarniassammata.
Taamaammat GIF-imi siulittaasup Kommune Kujallerlu isumaqatigiissusiorsimanertik nuannaarutigaa.
- Una suleqatigiilerneq timersornerup eqqortumut ingerlalerneranik isumaqarpoq. Timersornermut tunngasut iluini ineriartortitsinissamut iilersitseqataassaaq, tassani kivitseqatigiinnissaq siammasissumillu suleqatigiinneq qitiutinneqassallutik, Nuka Kleemann tusagassiuutinut allappoq.
lluunerani paaqqinnittarfinni meeqqallu atuarfiini peqqissuunissaq pingaartillugu Kommuni GIF-ilu suleqatigiissapput. Peqqinnerulerneq timip aalatinneqarneruneratigut anguniarneqassalluni. Tamannalu paaqqinnittarfinni sulisut pikkorissarneratigut ilaatigut pissaaq.
- Nunatsinni timersortarnerup ineriartortinnerani kikkut tamarmik assigiinngitsutigut suleqatigiilerberisigut peqataatilersinnissaat pingaartuuvoq. Taamaattumik Kommune Kujalleq peqataarusunnera pitsaasuullunilu pingaaruteqarpoq, Nuka Kleemann oqarpoq.
GIF aamma Kommuneqarfik Sermersooq 2016-ip naalernerani isumqatigiissuteqarnikuupput.
