Gazami sorsunneq aallartimmalli palæstinamiut arnartaat meerartaallu 25.000-nit amerlanerusut toqutaasut
Israelimiut sakkutuuisa palæstinamiut arnartaat meerartaallu 25.000-nit amerlanerusut Gazami oktobarip ulluisa arfineq-aappaanniilli toqussimavaat. USA-p illersornissamut ministeria, Lloyd Austin, USA-mi inatsisartut sisamanngornermi tusarniaaneranni taama oqarpoq.
Gazami sorsunneq aallartimmalli palæstinamiut arnartaat meerartaallu qassit toqutaasimanersut aperineqarami taama oqarpoq.
- 25.000-nit amerlanerupput, Lloyd Austin oqarpoq.
Israel Gazami sakkutuujunngitsunik sapinngisaq tamaat aamma illersuiniarnerusariaqartoq, ilanngullugu oqaatigaa.
Israel islamisiortunik Hamasimeersunik akiuiniarluni Gazamik saassussilermalli sakkussiat immikkuullarissut 21.000-nit ikinnerunngitsut USA-p Israelimut tunissutigisimagai ministerip ilanngullugu ilisimatitsissutigaa.
Hamas Israelimik arfininngornermi oktobarip ulluisa arfineq-aappaanni saassussereersorlu taama pisoqarpoq. Hamas saassussimmat inuit 1200-t missaat taamanikkut toqutaapput.
