Gazami sakkuaakkunnaarallartoqarnissaanik isumaqatigiinniarnerit iluatsinngitsoortut
![](/sites/default/files/styles/image_934x467/public/2024-08/20240823-094751-L-1920x1280we.jpg?itok=ivMxoGMP)
Gazami sakkuaakkunnaarallartoqarnissaanik Egyptenip illoqarfiisa pingaarnersaanni Kairomi isumaqatigiinniarnerit naammassineqarput, isumaqatigiissusiortoqarsinnaasimananili.
Nutaarsiassaqartitsivik Ritzau taama allappoq.
Isumaqatigiissutissatut siunnersuut isumaqatigiissitsiniartartunit saqqummiunneqartoq, islamisiortut Hamasimeersut Israelilu isumaqatigiissutigisinnaasimanngilaat.
Egyptenimi isumannaallisaanianit tusarfiit marluk sapaammi unnukkut taama ilisimatitsissuteqartut, nutaarsiassaqartitsivik Reuters allappoq.
Gazami sakkuaakkunnaarallartoqarnissaanik qaammaterpassuanngortuni isumaqatigiinniartoqaraluarpoq, maannamulli iluatsinngitsumik.
Hamasimeersut Kairomi isumaqatigiinniarnernit qimagussimasut, Hamasip sapaammi unnukkut ilisimatitsissutigaa.
Gazami sakkuaakkunnaarallartoqarnissaanik Egyptenip illoqarfiisa pingaarnersaanni Kairomi isumaqatigiinniarnerit USA-mit, Egyptenimit Qatarimillu aaqqissuunneqaraluarput.
Israelimiut sallunaveeqqutitut Hamasimit tiguminneqartut iperagaanissaannik isumaqatigiinniartoqarnissaanut USA-p siunnersuutaa, Hamasimit ukioqa manna juulimi akuersissutigineqarpoq.