Nannut tallimat ullormut aallaaneqartut

Ittoqqortoormiini utoqqaat angerlarsimaffianni nanoq igalaakkut ilummut itsuannisaartoq naammattoorneqarpoq.
Assi © : Nukaaraq Knudsen/KNR
Allattoq Karsten Sommer
januaarip 20-at 2018 13:37

Nannuttarineqartuni tallimaasuni Ittoqqortoormiini kingulleq ippassaq januaarip 18-ianni unnuap-qeqqata qeqqartoq aallaaneqarpoq. Politiit oqaluttuarnerat naapertorlugu nanoq utoqqaat angerlarsimaffiannut igalaakkut ilummut marsertoq naammattoorneqarmat piniartoq attavigineqarsimavoq. Taassumalu Ittoqqortoormiini suli nannuttassaqarmat pisarimmagu arsaarinnissutaanani.

AAMMA ATUARUK Nanoq Kangaatsiamut qanillattortoq pisarineqartoq

Aasianni aamma nannut pingasut aallaaneqarput. Nanoq arnaviaq piaraalu marluk innuttaasut ilaannit Aasiaat eqqaanni pisarineqarput.

Politiit tusagassiuutinut nalunaarutigaat nannut pisarineqarsimasut arsaarinnissutigineqarsimasut, suliarlu suli misissuiffigineqarmat annerusumik oqaaseqarusunngikkallarlutik.

Kiisalu Kangaatsiami illoqarfiup qiterpasissuani nanoq aallaaneqarluni toqunneqarpoq. Taanna illoqarfiup iluani alapernaalluni angalaarsimavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq